買樓，可以嗎?

小胡 Blog - Yahoo! Blog from 小胡 http://blog.yahoo.com/scarlett.wu/articles/1020722 最近長實推出葵涌的酒店式住宅，因為當年建樓時的用途是商業，所以就不受BSD管制。據說銷情理想，很快賣清第一批單位。這樣看，很明顯發展商在走政策漏洞，但也很明顯，針對的目標客戶就是要受限制的大陸客。依銷情看，真是很恐怖，有那麼多大陸客來買樓！ 我自己的深圳朋友，也在過年前委托我幫她睇下，有沒有合適的樓，想二百零萬，鋸個細單位自住。今天同老豆飲茶，傾開，老豆話，佢人生的目標，是活多幾廿年。因為活得越長命，著數越多。老豆是退休高官，退休金十分可觀。而家我可以唔做，當然有一部分原因係老豆唔使我養，仲要貼我零用。香港土生土長的朋友，可以有這樣優越的條件的人，不多。 老豆話，點解要活多幾廿年呢？皆因大陸２０１０年出個新的政策目標，係：工資收入翻番。意即，在未來五至十年內，大陸人的人工，還要漲一倍至三倍。 天哪！我第一反應係：樓價還要升。 朋友問我，樓價而家點睇。話時話，如果單以走勢睇，我已經唔識睇。唯一的上升原因，很簡單：通脹。 我就是在通脹基礎上，確認樓價上升方向。如果通脹回落，樓價首當其衝。 有誰可以話我知，通脹幾時回呢？ 過完年，陸續接到地產經紀電話：你層樓賣幾多，我想同你確認一下。 我笑騎騎答：你同我加多兩成呀！ 醒目的經紀知我無意沽出，同我一齊干笑兩聲，立即收線，廢話少說。 咁貴，搵鬼買你！ 家中住半山的富貴親戚都鬧我。我笑：咪買呀，笨！實情係，港島東四百呎舊樓單位，過年前都已經做六百萬！我唔嗌貴，係我笨。買我果個，又係笨：咁貴都買！ 但，唔買仲笨：因為將來可能更加貴！ 到底要怎樣呀？樓價。 現如今，已經沒有人睇得清前路。香港打工仔，講真果句，我兩公婆加埋收入都算唔少，但覺得依我們的能力，係供唔起而家個貴價樓。可是，日本仔印銀紙剛剛開始，大陸人悄悄印多美國佬六成，仲要對內大貶對外大升，叫人捉摸不透。如果祖國人民的工資再倍升，憑什麼認為香港樓價已經見頂？　大陸朋友話"我平平地來香港買層樓收租都幾頂癮呀！"皆因大陸樓收唔到好租。 打仗，和地震，我之前２０１０年在ｉｎｖｅｓｔｏｒｓ講，係推翻樓價的誘因。可是，仔細想，地震死人冧樓就話啫，打仗可能更推高香港樓價，睇返歷史，幾次大戰，都把大量大陸人口推到來香港避難。所以，如果日本仔北韓佬的炮彈核彈飛毛腿不到香港，香港樓價唔會因為打仗而冧，可能升多幾錢重。 有人話，你有樓就話樓價升啫。錯。有樓的人，更驚樓價升到無譜，冇人租得起買得起，煲無米粥。 我都想買樓，等了又等，無法買落手：實在真係太貴啦！ 但升完又升，徒呼荷荷！ 講多句股市，早前我嗌完"股災"，就坐響度等，果然一浪低過一浪。大家有幾人贏到錢？ 金價已經陰陰跌。大陸朋友唔信邪，繼續買金。話時話，我又唔睇好金。十年黃金變爛銅。有誰夠膽買入黃金百萬元計？不多。那麼，金價這二十年里升了四至六倍，同樣樓價升了四至六倍。樓又真係畀你安全感多好多。買樓又真係全副身家買落去，買金全副身家買落去的人少之又少，所賺就有限了。且，黃金又沒有利息可言，有什麼意思。長線投資的話，坐等干升的人，畢竟是少數吧。聽見炒股炒樓發達的人多了，聽見炒黃金發達的，我只認識一位吳ｘｘ，本港新晋年輕才俊，用炒紙黃金的錢買了層嘉亨灣六百呎單位。現在輸沒？唔知。 大陸朋友真係百萬真銀買落金度。 佢問我應該點買。 我問佢買來做乜？ 佢話方便未來打仗走佬。 我話咁你就大細通殺。成舊金磚固之然要有，細細粒戒指、手鍊、頸鍊又要有。點解？皆因走難起上來，用成舊金磚換一個饅頭，你會心痛，用戒指換，就食得落啦！哈哈。 呢位朋友係高層人士，成日擔心中國有事。越接近事實真相的人，越擔憂前途。其實，哪里擔心得了那許多。該死唔使病。走難可能還不如穩坐家中。看中國電影１９４２，就會有此感受矣。

Put the internet to work for you. via Personal Recipe 673252