炒股必贏法

小胡 Blog - Yahoo! Blog from 小胡 http://blog.yahoo.com/scarlett.wu/articles/988745 一直在想，炒股有沒有必贏之術呢？終於得出結論：有！ 我一向心急，買與賣都沒法控制情緒。於是，利用慢吞吞性格的蝦子餅來做實驗，這實驗當然是真金白銀的錢財拿出來的。實驗很簡單：同樣的股票，我瘋狂炒作，佢巍然不動。泰山崩於前也不動。我家蝦子餅，在未婚時，從未沾手股票。處子之手，容易調教。我同佢講：我叫你買，你就不問價錢買落去；我叫你沽，你就不問價錢沽出去，唔好睇多一兩個價位。 佢工作好忙，得閑睬我！於是果然乖乖按我的方法做。收到我電話，即刻買賣。由於他負責的是家庭重擔，不容有失。所以我就好小心咁，盡量選大隻股買。偏門的都有，譬如遠洋地產(3377)、永暉焦煤(1733)、田生地產(183)，呢啲股，我同佢講，買入預咗輸，但要忍得，等得，守得，終有一日肥到流油，發達係要靠呢啲。但大手貨還要買，沒必要把錢存入銀行，橫掂香港而家存十萬銀一年，都係得果一蚊雞，所以就由得啲錢響銀行大覺瞓，有朝一日，睇中一隻靚股，即興買賣，賺的就夠啦。炒股始終好過收息的。只要你買得準。 2010年暑假，參加炒股大賽，07年輸錢後發誓忍手唔入市，終於忍唔住，都係要跳落個海度。於是蝦子餅也跟住遭殃，24蚊買入中銀香港(2388)，28蚊買入中國人壽(2628)，3.7買入遠洋地產(3377)。期間股價跌到殘成點，大家可以睇番走勢圖，我就不逐一論述了。佢好down，好冇心機。我同佢講，叫得你買的股，全是有息可長hold的，不要怕，你放心，終有返家鄉的一日。點跌都好，我都唔准佢沽。佢話炒個上落呀。我都話唔得！ 現在陸續有賺，陸續放咗。中壽都家鄉在望了。飲得杯落。2010年其實是歐債危機帶來一浪又一浪小股災的痛苦一年，如果不是被鼓動，我想我還會忍下去。但2012年初，我開始出手買嘢。早前也有撰文提及，我的經紀朋友同我講，可以沽樓套現大手掃股票啦。 我笑，沒有沽樓，但確實相信2012年是一個升市年。整年都在賺錢。基本上，每月賺一次浪，以十萬股為基礎，每賺幾毫紙就沽，玩上落，賺唔多，但肯定好過打工。 在投資問題上，我堅持三分式，樓還樓，股還股，銀還銀。 也相信長贏的重要一點是：用自己的錢，去贏！ 不是借來的孖展，沒有被追斬倉的痛苦。 捱價的日子，雖然不痛快，但也不痛苦。 堅持這個，沒有輸的道理。 of course，不能買垃圾股、窩輪、牛熊證等。有本事贏硬，信唔信？ 哎，其實，即係股神巴菲特的長hold不輸之策也。嘿嘿。 有價值的公司股票，唔怕hold。到最後，你始終會贏返來。 當然，明白呢個道理的時候，通常人也不年輕了。嘿嘿。少年人，還是想博。阿仔話大學同學玩城電(1137)險過剃頭，又真係畀佢贏到。好嘢，叻仔！但我反對我自己個仔學呢招。 在我心目中，險勝不算勝，長勝先為勝！ 炒股票，贏一役不難，難的是鋪鋪贏！ 我而家仲有中壽輸緊。 其實，炒股同買樓的道理相似。點解大家炒樓贏面大、炒股贏面細呢？就因為炒樓出出入入需時頗長，跌咗索性收埋唔沽收租捱價，而股價一跌就容易心慌出貨。時間問題也。hold得耐的，股票回報一樣有十倍以上。 不過，在贏錢的今天，講輸，冇人肯睬我。hoho！ 大家贏多啲！各師各法，盡量唔好輸畀個市，贏盡佢！

Put the internet to work for you. via Personal Recipe 673252