| 小姓奴 大世界's Facebook Wall from 小姓奴 大世界 http://www.facebook.com/photo.php?fbid=456672954381701&set=a.274633675918964.64590.155880857794247&type=1 [人物傳記] 天下飛雞一樣騷。 嗨，我叫黃文傑，大家可以叫我文傑或者柄權，先感謝小姓奴巴打借我一格位置把心聲寫出來，唔…那我開始說了…是…如題所說，我有一位空姐女友…曾經。 我跟Angela在中學已經認識，我今年24歲她22，一起已三年。大家也挺認真，起碼有一個聯名戶口和一對象徵承諾的戒指。為了將來，我們也有相當的付出。這幾年我做過七仔、百佳和順豐 (順豐真係做到我仆街)，她也當過補習老師和診所護士，每天被醫生和病人來回視姦。 利申：我是獨生子，雙親已表示他日我買樓時會作出協助；車牌已考，做好假以時日有車有樓的準備；書讀得差不多，正考慮應否繼續升學，你知啦，讀工程的，多一個碩士學位比較好，但又想盡快投身社會，儲多一點盤川以作結婚之用。 我們一切好像一本生命指南，然而近來出了一些小變化，基於12月份我要考試，她也剛考進航空公司，正要接受培訓，大家每天都很忙、很累。我們見面時間比以前少了、通電也少了，只有間中Whatsapp，行房機會更甚，我已三個月沒踫過她的粉紅乳頭。 我處女座她雙子座，我是很專一的，連自慰時也是想著她。每一本參考書我也當成我們未來的一級階梯，每一個考試都是我們未來的一個踏板。但每次聽到別人說航空業的香豔風情秘史時心也沉一沉，只能安慰自己：「機師普遍是鬼佬，Angela咀比較小，不喜歡洋腸的…」 直到今個星期三，即1月2日2013年，趁家人上中山浸假溫泉，我約了她上來吃飯，親手煮餐好的給她吃，藉此機會把彼此距離拉回來。雖然對話不多，晚飯時她也經常Whatsapp，我問她是誰，她說是空姐Group，一大班姊妹在聊一定要回覆……除此，氣氛是可以的。 飯後，她抱起我的小狗玩，我借機問：「可唔可以抱埋我呀…」她就擁過來，心想終於可以用肢體說話，打破這三個月來的悶局，只要造造愛，大家一定能重燃激情。但當我擁過去時，我感覺到她牛仔褲的左邊褲袋不停間歇震動，應該是手機，應該是Whatsapp…… 「喂…今晚唔得呀…我聽日有Test…」 「吓…我褲都除咗喇喎……」 「唔好啦…我要留番D精神溫書哎…」 「咁…咁好啦……」 「Sorry呀BB…」 「唔緊要…咁妳要俾心機考好個試呀…」 「我會㗎喇…都差唔多喇…我返去喇。」 「我送妳返去丫！」 「唔使，我自己返去得㗎喇。」 「下面咁靜，我女朋友又咁靚，危險呀！」 「我OK呀！」 「俾我送妳啦！我只係想見多妳一陣…」 「乖啦，我真係OK呀。」 「送到小巴站！」 「唔使喇。」 「送落樓！」 「都話唔使咯。」 「送到平台！」 「好喇好喇…去到平台你就要乖乖返上樓喇！」 「知道！」 大家有沒有覺得不對勁？我是覺得非常的異常不對勁！我照她意思送到平台，蜻蜓點水的吻別後，她就要我上樓，還要目送我步進升降機再關上門，這時我的不對勁感覺快要爆漿，我決定偷偷走到停車場觀察她。 停車場能夠遠眺小巴站，我埋伏在牆後靜靜看她呆呆站在馬路旁，我心情是異常緊張，這是首次對她作出懷疑，一方面感到自己不信任是多可恥，另一方面又想查過明白。然後，小巴來了…她沒有上車……七分鐘後下一輛小巴又來了，她也沒有上…我心已寒起來，知道快要出事了。 我以最快的速度衝落樓，以再靠近的距離觀察她，只見她拿著電話不停篤，也有轉換挽手袋的手臂，見她重重的手袋，我就想走出去替她拿起…然後反問自己：「我究竟響度做乜撚野？點解要懷疑自己女朋友，仲要咁樣伏佢？！」這十多分鐘的內心掙扎比當年抱她上床的心情更複雜，直至一輛白色的雙門平治出現…… 女友見平治到，下意識踏前一步，然後拿起電話按著，此時我的電話就響起：「我的寶貝我的寶貝給你一點甜甜，讓你今夜都好眠……」女友呆了…全世界靜了，只有張懸的聲音，和呼吸聲……然後，我接聽了電話。 「喂…？」 「呃…BB…你…響邊度……呀…」 「妳…呢？」 「我……」 「你……o個邊咁靜嘅？」 「係…係呀…我…響車上面啦嘛…」 「BB…點…點解要呃我……」 「呃…呃你D咩呀……」 「妳明明仲響條街度……」 「我…係呀…冇車嘛…又驚你擔心嘛…」 「點解妳仲要呃我？明明有兩架小巴到站！」 「吓…你睇錯乍…唔係去美孚架……」 「我響度住咗十幾年，得一架小巴會經呢度！」 「BB…我……」 「架Benz係咪等緊妳？點解…點解會有Benz黎接妳？」 「FD黎乍…我見冇車咪…叫個FD順便…兜埋我…」 「兜？藍田去美孚都會順路？你哋其實要去邊呀！」 「冇呀…佢車我返屋企乍……」 「你哋係咪去爆房呀？係咪機師？定空中少爺？」 「痴線！你到底知唔知自己講緊咩呀！」 「唔怪得頭先唔想同我做！原來要留番個quota！」 「黃文傑！好喇喎，你想點呀！」 「點解要咁樣對我！點解！！」 「我同佢普通朋友黎架乍！」 「咁點解唔俾我送？」 「我…費事你亂諗野之嘛！」 「你今晚係咪要俾佢扑喇？定已經扑咗好多次喇？」 「你到底知唔知自己講緊D咩野呀黃文傑！」 「我唔想再問，我唔想再知喇！！！！！」 繼而我掛了線狂奔回家，情緒失控，掩著眼放聲哀號。 經查探後，得知那輛白色平治的主人是她的同學，那一晚他們真的去了溫書。前天，她把Status轉成Single，昨天終於有情人終成眷屬，換上In a relationship with Samuel Tong，今天還把我Unfriend了。我心如刀割，別人說空姐猶如在天上飛翔的雞，誰又知道她未當成空姐就已經下海了。我心很痛，很痛很痛，是不是所有雙子座的女生都這樣花心？ 昨晚，她Whatsapp過來說：「我只係唔想搞成咁，其實我真係想同你好好相處，不論係咩關係，你明唔明？」 我不明白，你們又明不明白？  少甜多趣散文類 | |||
| | |||
| | |||
|
沒有留言:
張貼留言